2012年9月20日星期四

骷髏會 - iPhone 5搶手,概念股炒

iPhone 5面世瞬間成為港人焦點,噚日以抽籤形式正式於網上開始預售,相信唔少人都會踫踫運氣,但發貨量、中籤率喺幾多都仲喺未知,睇嚟今次要睇吓大家耐性喇!每日上網襟個制就有得抽,蘋果迷要繼續再接再厲。想炒返轉嘅就要努力啲上網襟制「抽機」啦。

iPhone 5一機難求,市面上出現供不應求嘅現象都唔奇,加埋一班自由行客,水貨生意一定愈做愈旺,有報道指16GB依家已經炒到8000蚊喇,有價有市,下個星期仲喺「十‧一黃金周」,唔洗諗都知應該最好賣嘅當然喺又喺電話又喺藝術品嘅iPhone5啦!唔知咁樣又可唔可以幫到香港零售業呢?所以呢,如果要「光復」又豈止一個「上水」呢?


另外,今日起市面上蘋果經銷商都有少量貨源,不過估計已經被自由行排隊爭相入貨,搶飲頭啖湯,所以呢,今轉想炒iPhone 5賺返筆嘅的確有難度。

至於,今日三大本地電訊商都正式出售iPhone5,不過連兩年合約都成萬蚊架,想換機又唔介意簽約嘅就可以快快手去各大門市排隊出機啦!iPhone5個勢咁強,望吓本港電訊商嘅股價,都有啲睇頭,
數碼通(00315.hk)、和電香港(00215.hk)及香港電訊(06823.hk)及CSL等表現亦唔錯,不過前兩股的股值亦不便宜,炒升水位唔多喇。

再睇埋生產智能手機的相機鏡頭舜宇光學(02382.hk),作為蘋果概念股之一,第二大股東即趁市旺「抽水」,折讓一成套現4億,今日股價曾挫9%穿配股價,再睇埋另一隻概念股瑞聲科技(02018.hk),月初亦曾遭大股東減持,股價依然企硬,相信舜宇今日跌勢只喺短暫性咋,股價一個月升三成回吐亦唔出奇,反而仲喺趁手低吸嘅好時機。



廣告時間:
FCI炒股Club, 回顧上周股市成績, 分析本周大市去向.
逄星期一 7:30pm-10:30pm, 免費名額有限, 需要預先留位!!!
另有股票速成班, 歡迎到
www.facebook.com/M.for.aminn留言查詢^_^

地點: 佐敦彌敦道233號 佐敦薈商場(JD Mall)706-707室

沒有留言:

發佈留言